Узнагароды Cy Pres - Канфідэнцыйнасць Карыстальнікаў і Канфідэнцыйнасць анлайн

Узнагароды Cy pres - гэта сродкі, якія размяркоўваюцца па выніках калектыўных іскаў у ЗША. Калі ўся сума сродкаў не можа быць размеркаваная паміж чальцамі групы, яна можа быць размеркаванай паміж некамерцыйнымі, праваабарончымі і даследчыцкімі групамі, якія звычайна прадстаўляюць інтарэсы чальцоў групы. Узнагароды cy pres за канфідэнцыйнасць спажыўцоў могуць дапамагчы праекту Tor навучыць людзей і арганізацыі як абараняць сваю канфідэнцыйнасць у інтэрнэце і стварыць важныя бясплатныя тэхналогіі з адкрытым зыходным кодам.

Аб праекце Tor

Праект Tor - амерыканская некамерцыйная арганізацыя, заснаваная ў 2006 годзе на падставе пункту 501(c)3, мэтай якой з'яўляецца прасоўванне правоў і свабодаў чалавека:

  • Стварэнне і ўкараненне свабодных і адкрытых тэхналогій ананімнасці і канфідэнцыяльнасці,
  • Падтрымка іх неабмежаванай даступнасці і выкарыстання, і
  • Пашырэнне іх навукова-папулярнага разумення.

Праект Tor і яго супольнасць распрацоўваюць і распаўсюджваюць адны з самых папулярных і пашыраных бясплатных тэхналогіяў забеспячэння канфідэнцыйнасці з адкрытым зыходным кодам: Браўзер Tor і сетка Tor.

Акрамя распрацоўкі тэхналогіяў, арганізацыя дапамагае людзям захоўваць канфідэнцыйнасць у інтэрнэце. Праект Tor навучыў тысячы актывістаў, журналістаў, праваабаронцаў, бібліятэкараў, спажыўцоў і звычайных інтэрнэт-карыстальнікаў, як абараніць сябе і захаваць сваю канфідэнцыйнасць у інтэрнэце.

Праект Tor прызнаны вядучым праектам у сферы забеспячэння канфідэнцыйнасці ў інтэрнэце, і да яго СМІ часта звяртаюцца па інфармацыю пра тое, як людзі і спажыўцы могуць абараніць сваю канфідэнцыйнасць.

У мінулым праект Tor быў лаўрэатам прэміі cy pres Consumer Privacy Award ад фонду Rose Foundation Consumer Privacy Grants. Арганізацыя мае больш чым дзесяцігадовы досвед паспяховай рэалізацыі праектаў з такімі рознымі спонсарамі і партнёрамі, як Дзярждэпартамент ЗША - Бюро па дэмакратыі, правах чалавека і працы; Нацыянальны навуковы фонд; Агенцтва перспектыўных абаронных даследаванняў (DARPA); і Фонд медыя дэмакратыі.

Звязацца з праектам Tor наконт узнагароды Cy Pres

Калі вы хочаце пагаварыць з кім-небудзь з праекта Tor аб тым, ці вартая арганізацыя ўзнагароды cy pres, звяжыцеся з камандай па адрасе grants@torproject.org.

Што пачытаць